Toubamajalis.com- Jigéen bu wanne lor bamu am ñatti weer (3 mois), da ngay wax : H'abdulaahi ibnu H'omar, H'abdulahi ibnu Mas-h'uud, H'abdulaahi ibnu Zubëyri, H'abdulaahi ibnu Salaam, H'abdulaahi ibnu Zëydin, H'abdulaahi ibnu ummi Maktuum (YYDG).

Boo noppe nga tifliko ci biirëm.

In chaa Allaahu, Bu doom ji juddoo góor lay nék, dina doon boroom xam xam ta saytaané duko laal.

Seex Sidiya mu makma neena ap ëmbu bu amee ñaari weer (2 mois) wala luko ëpp tuuti, na nga bind lii ci aw këyitt gu weex :

 

 

Su noppee, mu defko ap téeré takkal ko soxnasi bam am ñéen fukki guddi (40 nuits). Ginaaw ñeen fukki guddi yi mu tekki téeré bi dencko ba doom ji juddu. Bu doom ji juddu mu takkalko téeré bi. In chaa Allaahu, yalla dana sammu ëmb bi ak doom ji.

 

 

 

 Extrait de : Majmah'u nuurayni fii fawaa-i-di daarayni

Auteur : Cheikh Ahmadou Bamba (rta)

Transcription Wolof : S Moustapha Lô Kholl , Ingénieur en Energie Renouvelable

Ku bëgë gis yonent bi (YYJSM), guddi aljuma gune buy tëd na wax lii :

Allahuma inniya as-aluka bixuwatir-rubuu-biyati wa h’azamati samadaaniyati wa satwatil uluuhiyati wa h’izatil jabaruutiyati wa xidamil fardaaniyati wa xuudratil azaliyati. An tusaliya wa tusalima h’alaa sëydinaa muhamadin wa aalihi wa an turiinii wajhë nàbbiyika sallaahu tah’ala h’alëyhi wa sallama.

Extrait de 'Majmahu nuurayni fii fawaa-i-di darayni'

Transcription Wolof: S Moustapha Lô Kholl

Auteur : Cheikh AHmadou Bamba(rta)

 

Wax nañ ni sahaabay yonent bi (YYJSM) musnañoo jëfëndikoo tandarma daadi naan ndox. Yonent bi (YYJSM) ni léen lii boknaci xéewël giñ léendi laaj ëllëk. Loolu jaaxal sahaabayi lool. Yonent bi (YYJSM) ni léen bu ngéendi lekkati da ngéeni wax :

bismillaahi rahmaani rahiimi wa h'alaa barakaatihii.

Bu ngéen suurée ngéen wax : alhamdulillaahi lëzii ach-bah'anaa wa ar waanaa wa an h'ama h'alaynaa wa afdalu.

Loolu moo léendi fegal laaj gi. Amna hadiis bu yonent bi (YYJSM) wax ni ñaari xéewël yii ñu bëri naxnañ léen ci muy wér ak féex.

 

Extrait de "Majmahu nuurayni fii fawaaidi darayni"

Auteur : Cheikh Ahmadou Bamba (Rta)

Transcription Wolof : Serigne Moustapha Lô Kholl

 

Celui ou celle qui a des maux de tête n'a qu'à écrire sur papier la sourate xuraychin et ceci aussi :

après cela, il faut tremper le papier dans de l'eau et se laver la tête avec cette eau.

Wolof :

 Ku boppam di metti na bind ci këyit saaru xuraychin ak lii :

 -image ci-dessus

Su noppee mu jamb këyitgi ci ndox, raxase ko boppam.

 

Téléchargez la nouvelle version de l'application Toubamajalis

 

Extrait de "Majmah'u nuurayni fii fawaa-i-di daarayni"

Auteur : Cheikh Ahmadou Bamba

Transcription Wolof : Serigne Moustapha Lô Kholl

Weddi, yalla nanu ci yalla musël, ñenti (4) xaaj la :

1) bici njëk mooy kooku xamul yalla sunu boroom cip xolam. Tayit nangu wukoo saxal ciw lammeñam. Loolu mooy lumelni weddik Firh'awna bam naa :

                                                       maa h'alimtu lakum min ilaahin q'ayrii.

2) ñaareel bi mooy weddik ki nga xamni, xamna yalla waayee nanguwukoo saxal ciw lammeñam. Melni weddik Ibliis.

3) ñaatteel bi mooy weddik ki nga xamni xamna yalla sunu boroom ci xolam, saxal ko ciw lammeñam waayee duggul ci diine ji. Melni weddik Ummayata Ibnu Salti ak Abuu Taalibin, biko yonent bi (YYJSM) woowee cik ngëm.

Abuu Taalibin niko, budul konak ragal waa xuraychin dima reetaan, danaa dugu ci diine ji ngir seral sa xol. Waayee nak danaa la aar lifeek maagi dundu.

Abbu Taalibin ginaaw bi waxna bëyit yi :

 

4) ñeenteel bi mooy weddik naaféex. Ta mooy saxal ak ngëm ci lammeñ ta dooko fas ci sa xol.

Ab Tênk ci weddi

Li am mooy ku weddi yalla sunu boroom, wala mu weddi darra ci lim wàcce ci yonenteem yi, wala mu weddi ab yonent wala Muhammad (YYJSM), wala ben yonent, ab yéefërla. Ta bu tuubul sawara lay béel.

Seexu Safaa Xasiyyu neena ab yéefër bu feeñal ngëm mooy naaféex.

Bu fekkee nak njëkoon naa gëm, ap murtad la.

Bu jàppee ni yalla yu bëri daa am, kon day bokkaale.

Bu fekkee daa gëm téere bu juge ci kaw asamaan, kon ap kitaabiyu la.

Bu jàppeeni jamonoji mooy def xew xew yi, kon ap dëhriyu la.

Bu jàppeeni kenn defarul darra, kon ap muh'attilu la, wala muy koo xamni daa am pas-pas yumuy nëbbu yoo xamni dëppoonan ciñi ak weddi yalla, ap zindiix la.

 

 

Extrait de "Majmah'u nuurayni fii fawaa-i-di daarayni"

Auteur : Cheikh AHmadou Bamba (Rta)

Transcription Wolof : Serigne Moustapha Lô Kholl

Ku jàng bismillaahi rahmaani rahiimi ñaar fukki yoon ak ben (21) booy tëdd yalla sunu boroom danako musël ci saytaane guddi googee ak deewuk mbetteel ak sàcc ak béeppu balaa.

Ku jàkkarlook ap tooñ kat mu jàng bismillaahi rahmaani rahiimi juroom fukki yoon (50) sunu boroom danako tàggatal tooñ kat boobu. Tayyit dana dugal ak ragal ci xolam baduko ñime.

Ku tegale ñatti fann di jàng téeméeri (100) bismillaahi rahmaani rahiimi ci ku tawat sunu boroom danako saafara.

Ku bayyi ba jant bi di fenk mu jàng ñatti téeméeri (300) bismillaahi rahmaani rahiimi julli ci yonent bi (YYJSM) téeméeri yoon (100), sunu boroom danako wërësëgël fumko foogewul. Ta balaa am at dana doon ku woomal.

Budee taw nga jàng bismillaahi rahmaani rahiimi juroom ben fukki yoon ak ben (61) fas ci yéenée saafara tawat jum mana doon yalla danako saafara.

Kuy jàng bismillaahi rahmaani rahiimi fukki yoon ak juroom ñent (19) suba ak ngoon sunu boroom danako musël ci ñiy fitnaal ci bàmmeel ak booleem gàkk yi ta danako may ak raglu akuk soppu ci nit ñi.

Ku bind بسم الله الرّحمان الرّحيم fanweeri yoon ak juroom (35) tak ko cisa néek saytaane dufa duggu ak jinne. Ta sa néek dana bëri barke akuw yiw.

Bës bi njëk ci weeru tamxarit ku bind بسم الله الرّحمان الرّحيم téeméeri yoon ak fukk ak ñatt (113) tak ko, sunu boroom danako musël ci béep ñawtéef mook waa kërëm féek migi dund.

Ibn Alhaaji neena ku bind بسم الله الرّحمان الرّحيم téeméeri yoon ak fukk ak ñent (114) tak ko, sunu boroom dana faj aajoom ta danako may ak raglu ci xoli buuryi ak tooñ kat yi. Batay lifeek moogi tak téeré bi kenn duko lor tayyit sunu boroom danako wattul alalam ak ñoñam.

 Yonent bi (YYJSM) neena sunu boroom giiñ na cik màggam akuk teddam akuk mbaaxam ni ku jàng bismillaahi rahmaani rahiimi ben yoon (1) tek ci faatiha ben yoon (1) danako jéegël ay bàkkaaram donte jotnañ déele asamaan. Ta danaa nangu ay yiwëm ta duma lak lameñam ci sawara ta danaaa ko musël ci bugëlum sawara ak tiit mu makma ca ëllëk ta danaa ko jàppundalal ba buy taseek man day àndak yonent bi (YYJSM) ak waliyuyi

Ku bind ب س م ا ل ا ه ا ل رّح م ا ن ا ل رّح ي م tak ko, sunu boroom danako may ngënéel lu rëy.

Ku bind ci këyyit ب ñaar fukki yoon ak ben (21). Su noppee mu jàng ci këyyit gi téeméeri (100) bismillaahi rahmaani rahiimi ci yéene ju dëggu tek ko ci alalam dana barkeel ta dana yokku.

Ku bind baatup الرّحمان juroom fukki yoon (50) tak ko dana am wërsëk tadu gis lumu sip.

Néenañ ku taqook bismillaahi rahmaani rahiimi junniyoon (1000) fukki fanan ñent (14 jours) ci ginaaw julli gune, yalla danako wuñil mbiryu nëbu yéep ba dana mënë gis yenn malakayi di waxak ñoom ñukoy lëgéeyël diko dimbëli.

Ku bind baatup الرّحيم ñaari téeméeri yoon ak juroom ñen fukku ak juroom ñent (299) tak ko, ngànnaay dula manal darra. Ta noon bu taseek yaw daw ci sa kanam.

 

Majmahu nuurayni fii fawaa-i-di darayni

Auteur : Cheikh AHmadou Bamba

Transcription Wolof : S Moustapha Lô Kholl

Ku bëgë gis yonent bi (YYJSM), guddi aljuma gune buy tëd na wax lii :

Allahuma inniya as-aluka bixuwatir-rubuu-biyati wa h’azamati samadaaniyati wa satwatil uluuhiyati wa h’izatil jabaruutiyati wa xidamil fardaaniyati wa xuudratil azaliyati. An tusaliya wa tusalima h’alaa sëydinaa muhamadin wa aalihi wa an turiinii wajhë nàbbiyika sallaahu tah’ala h’alëyhi wa sallama.

 

Majmahu nuurayni fii fawaa-i-di darayni

Auteur : Cheikh AHmadou Bamba

Transcription Wolof : S Moustapha Lô Kholl

Ku ñuy wax al Hakiim neena ku bind aaya yii tak ko, boo amul soxna da nga daaldi am soxna. Boo ñakkee da nga woomal, boo tawatee da nga wér, boo bërée looy fatteyit dootoo fatte. Migi nii :

 

 

Extrait de "Majmah'u nuurayni fii fawaa-i-di daarayni"

Cheikh Ahmadou Bamba

Transcription Wolof : Serigne Moustapha Lô Kholl

Lu aju ci faatiha :

Sunu boroom neena wala xadd aataynaaka sabh’an minal masaanii. Al masaanii nak mooy faatiha. Litax ñu tuddeko noonu mooy liñ koy jàng ci julli gune ay yoon.

 Suko defee nak faatiha nak juroom ñaari aye la. Aaye buci ne di tëc ap buntu ci bunti sawara yi (hëëwiya, aljëhiim, asah’iir, saqar, alhutamatu, lazaa ak jëhënamu).

 Jëhënamu nak mooy sawara si nga xamni boroom bakaar yu mak yi tubul ci jullit yi ñoofay dugu ba kerook ñuy set.

 Batay faatiha juroom ñaari (7) aaya la yoo xamni ñent (4) yi day tagg yalla sunu boroom ñatti yi (3) di ñaan yalla sunu boroom.

Ndax:

 1) Al hamdulillaahi rabbil h’alaa miina mooy tagg gumat gi nga xamni kudul sunu boroom yayoo wuka. Moom mi nga xamni moo moom léepu, bind léepu, di wërsëgël léepu, di yéwénël léepu tay ak ëllëk cik mbaaxaam.

2) Ar-rahmaani rahiimi nak mooy ki nga xamni mooy yërëm ñéepu ci adduna jullit bi ak yéefër bi. Loolu moom doŋŋ mooko jagoo. Kenn fekku koci. Waaye nak di yërëm ëllëk ñiko gëmoon doŋŋ.

3) Maliki yawmi diini bis ba nga xamni ludul diine dufa jariñ ta mooy allaaxira.

4) Iyyaaka nah’budu wa iyyaaka nastah’iinu yaw lañuy ñaan nga may ñu kàttan ci jaamula ta musël ñu ci mooyla.

5) Ihdinaa siraatal mustaxiim yalla ngañu tawféexël ci yoonu njub ta mooy yoonu xam ak jëfe.

Yoon yi daa bëri lool waaye ku aw ci yoonu njub da nga taseek sunu boroom ci xol bu sedd akuk mucc. Waaye kuko deful daaldi alku. Ndax yoon wudul yoonu njub saytaanee nga fa juy réerë laate. Yoon nak ñaar la (2). Wici adduna ak waca ëllëk. Ku tegu ci wii ci adduna bu ëllëguée nga mucc ca woowee muy siraat.

6) Siraatal lëziina an h’amta h’aleyhim ta mooy yoonu yonent yi ak waliwu yi.

7) Q’ayril maq’duubi h’aleyhim wala daalina waxuma yoonu ñi sunu boroom mere ta mooy yëhuud yi ak nasaraan yi. Wala ñi nga xamni dañoo réere yoonu njub

Sukoo defee nga xamni faatiha ëmbna mbooleem arafyi ludul juroom ñaari (7) araf yiñ tomb ta mooy : al jiimu=ج ; al xaa-u=خ ; azzaa-yu=ز ; asaa-u=ث ; azzaa-u=ظ ; al faa-u=ف ; achiinu=ش.

Litakh dikuñu mooy dañoo wàcc cik tëku.

Ndax:

(al jiim=ج) ñinko jële ci al jusuwu ta mooy suku ci sawara ci ay bëti woom. Sunu boroom neena wa nazaru zaalimiina fiiha jusiyan.

Taku mokkal faatiha aki maanaam doo suku ci sawara.

(al xaa-u=خ) ñinko jële ci al xaybatu ta mooy sooy. Sunu boroom neena wa xadd xaaba man dassaahëë.

Taku mokkal faatiha aki maanaam doo sooy ëllëk.

azzaa-yu=ز) ñinko jële ci zal-zalatu xalbi ta mooy rëg rëgi xol. Sunu boroom neena wa zil ziluu zil zaalan chaddiidan.

Taku mokkal faatiha aki maanaam doo am rëg rëgi xol ëllëk.

(asaa-u=ث) ñinko jële ci as-subuur ta mooy bugël. Sunu boroom neena laa tadh'uul yawma subuuran waahidan wadh'uu subuuran kassiiran.

Taku mokkal faatiha aki maanaam doo gis bugël ëllëk.

(azzaa-u=ظ) ñinko jële ci az-zulmu ta mooy tooñ. Sunu boroom neena wa laa taziddi zaalimiina illaa tabbaaran.

Taku mokkal faatiha aki maanaam doo gis loolu ëllëk.

(al faa-u=ف) ñinko jële ci al xawdu fiil xusraani ta mooy pert. Sunu boroom neena innal insaana lëfii xusrin.

Taku mokkal faatiha aki maanaam doo gis pert ëllëk.

(achiinu=ش) ñinko jële ci charru naari ta mooy ferñenti sawara. Sunu boroom neena tarmii bi charrari kal xasri.

Taku mokkal faatiha aki maanaam doo gis ferñenti sawarra ëllëk.

 Extrait Majmah'u nuurayni fii fawaa-i-di daarayni

Par Cheikh Ahmadou Bamba (RTA)

Transcription Wolof : S Moustapha Lô Kholl

Yonent bi (YYJSM) neena nit ki bu faatoo dana woote junniy (1000) woote naan yéen sama doom yi, yéen sama mbok yi yéen sama xarit yi saraxéelléenma donte benn tibbu la wala wenn sagar wala genn ñaan ndax yalla yërëm maci. Ñoogi duggu ci pax mu xóot ta xat kon dégléen liñ léendi wax bala géeni ñëw fii. Xanaa xamuléen loolu géen yor yoroon nañu ko sàgganeko ba ñëw fii jariñu ñu darra.

Al Yaddaaliyu (YYDG) neena ci Xaatimatu Tasauffi ñi faatu liñ ngëna bëggë mooy dellu adduna donte benn waxtu lañ fay am. Ndax ñu mënë jëff lubaax lu léendi jariñ buñu delloo. Kon yaw miy dundu war ngaa gaawee sak dundu bala moo faat.

Ta ngay sàmmoonteek sa biir tay wattu say cër ak say noyyi. Ndax noyyi gune daa melni wurus woo xamni mën ga cee ame koom mudul jeex ba fawwu.

Ta nga xamni bayyi sa noyyi mu dem ci ludul toppu yalla sunu borom wala nga bayyiko mu dem ci ak mooy loolu pert gu rëyla ëllëk.

Na ngay dundël say waxtu ginaaw farata yi ci ay naafila guddi ak saraxe ak koor ci bës yiñ soppu kuci woor ak wird ak sikkar ak xalaat ginaaw boo xamee ba noppi.

Ta léep looy def nga ciy yéene aw yiiw, ak di béegël jullit yi di léen defal aw yiiw, ta ngay wutël sa boppu dok boo xamni dankoy saxal, ta diko seelal, ta diko nëbbu nitñi.

Ndax lu nitñi xam, lici ëpp du bëri njariñ ëllëk.

Booy ziàrre ku faatu da ngay taxaw ci kanamam xawa tollook ay tankam wax lii :

As-salaamu h'aleykum diyaara xawmin muuminiina wa innaa in chaa-allaahu bikum laahixuuna. Yarhamul laahu al mustaxdimiina minkum wal mustaaxiriina minnaa. Antum lanaa faratun wa nahnu lakum tabah'un. Annasal laahu wax-chatakum wa ammana rawh'atakum wa jah'alal jannata mih'aadan baynanaa wa baynakum. Allahuma rabba haazihil ajsaadil baaliyati wal h'izaamil naxiratil lëtii xarajat min dunyaa wa hiya bika muuminatu. Adhil h'alayhaa rawhan minka wa salaaman minnii. Allaahuma innaka tah'lamu h'adadahum wa rahmatuka awsah'u minhum faq'fir lanaa walahum.

Allahuma iq'fir lëhum wa arhamhum wah'fu h'anhum. Soo noppee nga jàng saaru ixlass fukki yoonak benn (11) ak saaru inna ah'taynaakal kawsara benn yoon (1) ak ayaatul kursiyu benn yoon (1).

Soo noppee nga yéene ko yool bi.

Sudee nak ki faatu da ngaa yaakar ci moom barke da ngay dem féeté ko ginnaaw, jublu penku, ñaan yalla sunu boroom ci barkeem mu fac say aajo. Ginnaaw bi nak nga ñaanal ko njéengël ak yërëmande ak ngërëmul sunu boroom.

Ñu bëri ci boroom xam xam yi neena ñu kuy ziàrre xabru nit ku baax boo waxe ñaan gii loo ñaan yalla danako nangu:

Allaahuma inniya as-aluka bijaahi nabiiyika muhammadin sallaa laahu h'aleyhi wa sallama wa anbiyaa-ika wa as-fi-yaa-ika wa suhëybin wa h'ammaarin ibni yaassirin wa h'imraana ibn husayrin wa tayfuurin ibn h'iisaa wa h'abdil laahi ibnil mubaaraki wa bi hàqqi waliyi hëëzaa dariihi an tusallii h'alaa sëydina muhammadin wa h'alaa aalihii wa sahbihii wa tusallima.

Boo demee ci bàmmeel nak war na ga teewlu bu baax baña def ci sa xol leneen.

Ku dem ci armeel wax lii sunu boroom danako bindël limup ñafa neek ciy tuyaaba.

Migi nii : Allaahuma rabba haazihil arwaahi wal ajsaadil baaliyati wal h'izaamil naxiratil lëtii xarajat mina dunnyaa wa hiyë bika muuminatun. Adhil h'aleyhaa rawhaan minka wa salaaman minnii.

Amna nettili yu waxni boo waxee ñaan googu, béep jullit bu sunu boroom mësë bind danala jéeglul. Batay amna nettili yu waxni boo waxee ñaan googu, danañ ko bindël limup ñi mësë faatu ak ñiy bëgë faatu ciw yiw.

Al Imaamul Q'azaaliyu (YYDG) neena ci Tibrul Masbuuk, H'abdullaahi Ibnu H'omar (YYDG) ak ñu bëri ci ay mbokkam amnañ fukki at ak ñaar (12) di ñaan yalla wann leen H'omar Ibnul Qattàb ci ay nelaw ginaaw bamu faatoo.

Bañ ko gisee, mu melni ku sangu ba génn, gàccoo ap morso, ñu laac ko :

-Nusa boroom defak yaw ?

-Muniléen bañu jugée ci yéen ak léegi ñaata at la ?

-Ñuniko fukkak ñaar (12 ans).

-Muniléen booba ba léegi maagici hisaab. Xaw tuuti ma alku buma sunu boroom jéegalutoon.

 

Extrait de Majmah'u nuurayni fii fawaa-i-di daarayni

Cheikh Ahmadou Bamba Mbacké

Transcription : Serigne Moustapha Lô Kholl

 

Téléchargez l'application Toubamajalis

Facebook

(SERVICE COMMERCIAL ) Email : toubamajalis@gmail.com | webtawfeh@gmail.com

 

(REDACTION TOUBAMAJALIS) Email : sennegueye@gmail.com tel.

Chargé de communication : +221 77 539 55 17

Aller au haut